ISO/TS 29001 Neft, neft-kimya və qaz sənayesi üçün işlənib hazırlanmış keyfiyyəti idarəetmə sistemi standartıdır.

Bu standart API (Amerika Neft İnstitutu) və ISO-nun 67 saylı Texniki Komitəsi arasında əməkdaşlığın nəticəsi olaraq hazırlanmışdır.

ISO/TS 29001 standartı neft, neft-kimya və qaz sənayesində istifadə edilən avadanlıqların layihələndirilməsi, istehsalı, quraşdırılması, həmin avadanlıqlara texniki xidmət göstərilməsinə tələbləri müəyyən edir.

ISO/TS 29001 standartının hazırlanması zamanı ISO 9001-dən istifadə edilmişdir.

ISO/TS 29001 standartının potensial istifadəçiləri aşağıdakılardır:

• Neft və təbii qazın kəşfiyyatı, çıxarılması, daşınması, emalı və boru kəmərlərin istismarını həyata keçirən şirkətlər;
  
• Neft və təbii qazın kəşfiyyatı, çıxarılması, daşınması, emalı və boru kəmərlərin istismarı zamanı istifadə olunan avadanlığın işlənib hazırlanması, istehsalı, quraşdırılması, həmin avadanlığın xidmət və təmirini həyata keçirən şirkətlər.
  

ISO/TS 29001 standartının tətbiqinin faydaları

• Tərəfdaş və investorlarla əlaqələrin genişləndirilməsi və qarşılıqlı inamın formalaşdırılması;
• Tenderlərdə uğurlu iştirak;
• İmicin yüksəlməsi;
• İxrac potensialının və beynəlxalq ticarətə çıxış imkanlarının artması;
• Qanunvericiliyin tələblərinin dəqiq yerinə yetirilməsi və dövlət orqanları ilə əlaqələrin yaxşılaşdırılması;
• Bazar dəyişikliklərinə çevik uyğunlaşma imkanının əldə edilməsi;
• Rəqabətqabiliyyətliliyin artması.