ISO/IEC 17065:2012 Standartı üzrə təlim keçirilib


16,17 Yanvar 2025 tarixində “Keyfiyyət Assosiasiyası” İctimai Birliyi tərəfindən ISO/IEC 17065:2012 “Uyğunluğun qiymətləndirilməsi, Məhsulların, proseslərin və xidmətlərin sertifikatlaşdırılmasını aparan orqanlara olan tələblər” beynəlxalq standartı üzrə təlim keçirilib.
Onlayn formatda keçirilən təlimdə “Azintelecom MMC”, “Kənd Təsərrufatı Nazirliyi yanında Aqrar Xidmətlər Agentliyinin LESM-Laboratoriya Ekspertiza və Sertifikatlasdirma Mərkəzi”, “Azərbaycan Risk Peşəkarları Assosiasiyası”, “İNCERT MMC” və “Esila Trading MMC” nin əməkdaşları iştirak ediblər.
Təlim zamanı iştirakçılara ISO Beynəlxalq Standartlaşdırma Təşkilatı, IAF- Beynəlxalq Akkreditasiya Forumu, akkreditasiya və sertifikatlaşdırma anlayışları, ISO ISO/IEC 17065:2012 standartına əsasən müəssisənin sertifikatlaşdırma və tətbiq səhəsi, ISO/IEC 17065:2012 standartına maddələri və tələbləri, proses, məhsul və xidmətlərin sertifikatlaşdırılmasının beynəlxalq aspektləri, məhsul, xidmət və proseslərin sertifikatlaşdırılması zamanı tərəfsizliyin təmin edilməsi, struktura dair tələblər, resurslara dair tələblər, prosesə dair tələblər, sertifikatlaşdırmanın dayandırılması, ləğvi və ya sertifikata xitam verilməsi və sairə mövzular üzrə ətraflı məlumat verilib. Təlimin sonunda iştirakçıların təlimdən öyrəndiyi biliklər test vasitəsi ilə sınaqdan keçirilib.