GMP

Subnav

GMP standartı

GMP nədir? Qabaqcıl İstehsal Təcrübəsi (Good Manufacturing Practice, GMP) qida, dərman və kosmetika sənayesi daxil olmaqla istehsal olunan məhsulların daxili və xarici mənbədən çirklənməsi risklərinin qarşısını almaq və ya azaltmaq məqsədilə tətbiq edilən qaydalar və standartlar toplusudur.

GMP standartlarının ilk versiyası 1963-cü ildə ABŞ-da işlənilib. Bu sahədə ilk beynəlxalq sənəd isə 1968-ci ildə Ümumdunya Səhiyyə Təşkilatı mütəxəssisləri tərəfindən hazırlıb. Keçən ısrin 70-ci illərdən başlayaraq GMP konsepsiyası bütün dünya ölkələrində geniş vüsət almağa başlayıb.

GMP - dərman vasitələri, tibbi avadanlıqlar,diaqnostika üçün nəzərdə tutulan məmulatlar,qida məhsulları, qida əlavələri, bioloji aktiv inqrediyentlərin istehsalında tətbiq edilir.

GMP nə üçün lazımdır?

GMP keyfiyyətə təminatın əsas təkib hissəsi olaraq məhsulun daim yüksək keyfiyyətli və təhlükəsiz şəkildə istesal olunduğuna və yoxlanıldığına, onun öz təyinatına, qeydiyyat sənədlərinə və spesifikasiyaya uyğunluğuna zəmanət vemək üçün lazımdır.

GMP standartının tələblərini effektiv şəkildə yerinə yetirmək üçün təşkilat:

  • standartın tələblərinə uyğun olaraq müvafiq infrastruktura, müasir bina və avadanlıqlara;
  • lazımi dərman vasitələrini hazırlamaq üçün xammal mənbələrinə;
  • səriştəli mütəxəssislərə, son məhsulun keyfiyyətini yoxlayacaq yüksək səviyyəli laborantlara;
  • standartın tələblərinə uyğun aparılmış sistemli sənədləşdirməyə
  • sağlam və təhlükəsiz əmək şəraitinə malik olmalıdır.

GMP-nin tətbiqi təşkilata hansı fayda və üstünlükləri təmin edir?

GMP-nin tətbiqi:

  • istehsal olunan məhsulun keyfiyyətinin yüksəlməsi;
  • məhsulun rəqabət qabiliyyətinin artması;
  • proseslərin optimallaşdırılması hesabına xərclərə qənaət olunması;
  • bütün proseslərinin davamlı olaraq yaxşılaşdırılması imkanlarının yaranması;
  • təşkilatdaxi sənəd dövriyyəsinin optimallaşdırılması;
  • müştərilərin istehsal olunan məhsula olan etibarının artması;
  • təşkilatın xarici bazarlara çıxış imkanları genişlənməsi;
  • tərəfdaş və investorlarla qarşılıqlı inamın formalaşması kimi fayda və üstünlükləri təmin edir.

GMP-nin tətbiqi üzrə məsləhət xidməti

Keyfiyyət Assosiasiyası olaraq Biz təşkilatlarda GMP-nin tətbiqi ilə bağlı məsləhət xidməti, eyni zamanda effektiv həll variantlarını təklif edirik.

Biz göstərdiyimiz məsləhət xidmətlərini Azərbaycan dilinə tərcümə edərək hazırladığımız GMP-nin tələblərinə və mütəxəssislərimizin işlədiyi metodika və prosedurlara uyğun şəkildə həyata keçiririk

Bizim məsləhət xidməti çərçivəsində istifadə etdiyimiz metod və alətlər təşkilatda biznes proseslərin effektivliyinin artırılmasına, idarəetmənin və təşkilatdaxili əlaqənin yaxşılaşdırılmasına, bütün fəaliyyətlər üzrə geniş izləmə və nəzarət sisteminin qurulmasına kömək edir.

Biz məsləhət layihəsini həya keçirərkən hazırladığımız praktik tövsiyələri təqdim etməklə təşkilatın daxili resurslar hesabına nəzərdə tutulan nəticələrə nail olunmasına, bu prosesə bütün personalın cəlb olunmasına, davamlı yaxşılaşdırma sisteminin formalaşması yolu ilə bütövlükdə təşkilati fəaliyyətin optimallaşdırılmasına çalışırıq.

Bizim məsləhət layihəmiz aşağıdakı mərhələlər üzrə keçirilir:

Mərhələ 1. Təşkilatda diaqnostik auditin və mövcud idarəetmə sisteminin təhlilinin aparılması. GMP-nin tətbiqi üzrə fəaliyyət planının işlənilməsi;
Mərhələ 2. Təşkilatın rəhbərləri və mütəxəssislərinə GMP üzrə təlimin keçirilməs;
Mərhələ 3. GMP-nin tələblərinə uyğun olaraq zəruri sənədlərin işlənilməsi;
Mərhələ 4. Daxili auditorlara GMP və ISO 19011 üzrə təlimlərin keçirilməsi;
Mərhələ 5. Təşkilatda GMP-nin -in tələblərinə uyğun olaraq kompleks daxili auditin keçirilməsi;
Mərhələ 6. Sistemin təhlili və yekun qiymətləndirilməsi. Təşkilatın sertifikatlaşdırma auditinə hazırlanması.

GMP üzrə məsləhət layihəsi çərçivəsində təşkilatın yerinə yetirməli olduğu fəaliyyətlər

1. GMP-nin tətbiqi üzrə işlərin təşkilinə cavabdeh olan səlahiyyətli şəxsin təyin olunması;
2. GMP-nin tətbiqi prosesinə bütün personalın cəlb olunmasının təmin edilməsi;
3. GMP-nin tətbiqi planının yerinə yetirilməsinin təmin edilməsi;
4. Məsləhətçinin tövsiyələri nəzərə alınmaqla və təşkilatın korporativ mədəniyyətinə uyğun olaraq GMP sənədlərinin işlənilməsi;
5.İşlənilmiş sənədlərin və GMP-nin tələblərinin təşkilatın cari fəaliyyətində tətbiq olunması.

Tərəfdaşlar